فليك عمل لأنشيلوتي المفاجئة الكبرى بتاعت سمير سمكرة 😂😂

عارف دي "طلاسم" لكن زمان بحب الكورة السمحة. بعد قربت عن تكتيات الكورة وزادت الball knowledge عرفت كيف الإرهابية دي صعبة وزاد إحترامي ليها شديد.

ايفرتون و استون فيلا كورة مجنونة مجنونة دوران فاكي ليهو سيخة جوة قلب أحمد الفاضل قبل ما تكون في شباك بيكفورد.

رمضان كريم عليكم كمان يـا حبايبنا و تصومو و تفطرو على خير. و ربنا يجيب العشر الأواخر خفيفة علينا مع كورتين السيتي و بايرن

تين هاج دا محل ما يهبشوه يقول اي والله لعبنا مباراة كبيرة و فزنا بمجهود رائع لكن برضو كان مفروض نفوز ضد أرسنال جبنا هدف احتسب تسلل و بلنتي ما اتحسب. عنده عقدة حقيقية معانا اب صلعة.

زي ما بتغني الجماهير Stadiums are empty everywhere we go

فرق البريميرليج مفروض تحرق لستك في الأبطال تخفف ضغط أرسنال دا عليهم.

شوفو لينا دبي دي فيها شنو لأنه لعيبة أرسنال من ما رجعو شغالين جغم من طرف.

البرد جاي يـا أحمد اقفل الشبابيك + اتكلموا لينا عن زعل كل المحللين من احتفالات لعيبة أرسنال وارتيتا بالفوز وقالوا أنها مبالغ فيها في حين لو كان كلوب كان قالوا قرينتا وحماس وصفقو

لعيبة أرسنال ديل كل سنة بمشو دبي ل salt bae بديهم رشة ملح بجو يرشو اقوان. ارتيتا مفروض يمسكو بوفيه النادي

لعيبة أرسنال عاملين زي الموظف البشغلوه يوم العيد والناس كلها مؤجزة. لبسنا و لعبنا الكورة يلا نرجع البيت نكمل إحتفالات اخر السنة مع أهلنا وعيـالنا الشغل ملحوق بعد العيد.

ويستهام يستاهل الفوز بالاداء الممتاز واغتنام نصفي الفرص. و يـا أحمد ولدك داك وعيه يرجع شعره عادي و يفارق الشلة المباريها دي. ما اظن محتاجين نتكلم في موضوع الڤار زيـادة. بس disgrace.

ومرتدة صلاح قنعت لمن كنت قايله انفرد من النص لكن من ظهر رايس في الصورة اتطمنت. شايف الناس بتقول ما ليهو تأثير في ضيـاع الهجمة في حين شكرو فان دايك لمن عمل نفس الحركة ضد توتنهام.

اتكلمو لينا عن طرد دالوت. حكم مباراة ليفربول و يونايتد هو نفس الحكم الطرد مارتنلي السنة قبل الفاتت بأصفرين في نفس الهجمة ضد وولفز.

لأول مرة من زمن الواحد ما خايف من زيـارة أرسنال للآنفيلد ... ودي زاتها حاجة بتخوف!

ليفربول ديل عايشنها اونطة (الكلمة دي ما يقراها ود الفاضل لأنه حيجغمسها) و ما بستمرو كتير بدفاعهم و نصهم التعبانين ديل. غيـاب صلاح في أمم أفريقيـا حيكشفهم. و لنا في الانفليد لقاء.

حفيظ دراجي عمل شاوت اوت لمشجعين أرسنال السودانيين في كورة لنس، لكن أحمد الفاضل لسا ما داير يباركنا بحلقة ركن مدفعجية.