حتى في البيع قاعدين يبيعو بالرخيص الاستثمار ما يكون كلو في المواهب الشابة خصوصا انك سلطّ صحافتك على المدرب المفروض انو مدرب المشروع لمتين حيقعدو يفرضو على اي مدرب الاسماء وهو يتصرف

من خروج اليماني وكل شئ بدا يوضح للان ما سمعنا اهتمام ساي وكل الاخبار بيع بيع انت كتيم كبير ومع كامل الاحترام توتنهام يخطف منك صفقة موهبة شابة؟؟؟! اعرف انك في الانحدار وحتى في البيع

تشافي قال داير ديمبلي ختو شرط جزائي ليو في عقدو طالب بي انو كيسيه يقعد مرقو وجابو ليو روميو طلب اجنحة بالاسم جابو ليو فيلكيس ما دفاعا عنو هو خلاص مرق لكن برشلونة يستاهل ادارة احسن

يـا شباب اطلقو حملة لعزل لابورتا وديكو ديل بداية من الوعود الكذابة لي لابورتا في موضوع ميسي وديكو الداير يقلب النادي كلو شفع برازيلين وفوق دا قال ليك دايرين ريكارد ك مدرب مهزلة

الناس كلها مركزة مع الاقوان لكن الحاجة الماف زول ملاحظ ليها واللاعب القدم كورة ممتازة عديل الجزار ليساندرو لكن للاسف اصابتو اتجددت تاني بس لسه فضل امل انو نلحق الابطال باذن الله

كمشجع لبرشلونة واليونايتد ما متذكر اخر مرة التيمين فازو اداء ونتيجة زي الجولة دي برشلونة بي اداء ممتاز مقارنة بي اخر فترة واليونايتد كوبي ماينو غارناتشو راسموس هويلاند مجانين

الحسنة الوحيدة في الفانتسي الاسبوع دا انو الواحد مكبتن دييغو ارماندو جوتا ملك الطبخ وواحد من احسن المهاجمين في الانهاء واحلى 38 نقطة

مشكلة البدائل في موضوع المدرب دي بقت سيئة لكن على قول احمد انا قررت الاستثمار في تشافي وغالبا كدا انتهى وحيفشل 🤣 فيليكس وفيران يحيروك واراوخو يبدا العودة إن شاء الله دي يونج بعيد

فوز كويس لي برشلونة في وقت ممتاز قبل ما نمشي لي واحد من اصعب ملاعب اسبانيـا لي برشلونة السان ماميس وليفا ظهر في الكورة مرتين وقت اتعوق ووقت مرق اما بالنسبة للريـال سرقة وسط النهار

القونين نوتنجهام من نفس الحتة عمق الوسط الدفاعي وعشان كدا ماينو ما كان المفروض يمرق وبعد رجعة كاسيميرو يلعبو سوا ومباراة فيها شعلتين ضئيلات ديـالو وبداية عودة راشفورد إن شاء الله

يونايتد لا جديد يذكر لا قديم يعاد كورة فوق وكورة ارض ولازم رجعة غرينوود مكانو محجوز ونتمنى ذلك بعد استحواذ راتكليف

بعد عودة ليساندرو وكاسميرو من الإصابة ويرجعو لي مستواهم التيم دا ممكن يتحسن كورتنا الجاية مع العائد بقوة نونو سانتو وربك يستر

هويلاند وقولو الأول يفك منو شوية ضغوط والتيم دا يهدأ شوية ويـا مصطفى الإقالة أبدا ما حل الحل نستقر حاليـا حتى بي مشاكل تين هاغ دي واخيراً اتخلصنا من الغلايزرز حتى لو ريـاضيـا فقط

مباراة مجنونة وفوز مستحق لينا اونانا يستمر في تعاملو السئ مع الكرات الثابتة بعد ال 2-0 أوناي ايمري رجعنا للكورة بي طريقة دفاعو راشفورد اخيرا عرف انو ما ميسي وممكن يدافع ويضغط عادي

الحمد لله انو مهاجم ليفربول في الكورة دي هو داروين نونيز

اخر نقطة كورة زي دي لو كان برونو موجود كان استفدنا من التحولات والارتداد بدل الهجمات العشوائية الحصلت دي ويـا لوك شو طلع صلاح من جيبك الكلام دا ما صاح منك

بالنسبة لي راشفورد والدكة يـاريت يتعلم ويعرف انو ما عشان اسمو حيلعب اساسي دائما وللاسف لسه مستواو في النازل مع ان تين هاغ لعبو اساسي اكتر من 15 مباراة في الدوري يعني ما ثقة

اسامة تين هاغ يمرق لينا بي نقطة من الانفليد بي واقعية شديدة ركن الباص ودافع لانو لو كان هاجم كان الشغلة فتحت ورا وما بعيد تنتهي سكور ابدا ومني ليكم انتوني الى العنقريب مباشرة

اخر نقطة في موضوع برشلونة انو واحد من اسوء الاندية اعلاميـا اي وقعة بقعها بتبقى قومة وقعدة عسكو تمام ريـال مدريد هادئين جدا مع الصحافة وتشافي يكمل الموسم وبعد دا يتم تقييمو

كلامي ما دفاعا عن تشافي مدرب كويس لا غير وعندو غلطات كتيرة اغلبها دفاعية لكن الجماهير تقول يقيلو السنة الفاتت وقعنا بي فارق 7 نقاط ورجعنا اخدنا الدوري وإن شاء الله القرعة تخدمنا

اي مدرب حيجي حيقول ليك داير ارتكاز صريح ودي براها ميزانية وحيقول داير جناح شمال حقيقي وباك يمين ودا اذا ما قرر انو يبيع بعض اللعيبة ودا ما من مصلحة استقرار النادي

المطالبين بي اقالة تشافي البديل منو؟وهل انك تقيل مدرب في وقت زي دا بدون بديل جاهز وبي منطقية برشلونة ما عندو قروش لي اي مدرب حيجي لانو حيكون داير تفصيلات على اسلوبو

مباراة اخرى ما الملام عليها تشافي رافينيـا مجتهد لكن لي متين حيضيع؟فيليكس غير القون زيو زينا بحضر ساي اما ليفا مستمر في الخذلان بانتظار صفقة روكي وإن شاء الله تغير من الحاصل

كمشجع لي برشلونة والمانيو حاطبخ طبخ شديد الحلقتين ديل🤣🤣

جمهورنا كلو قرر يقلب على تشافي بي سبب خسارة ما المتحمل الاول ليها لمن نجومك الكبار يضيعو انفرادات وفرص ساهلة النادي ما كنا نستاهل الفوز لكن ما تشافي السبب الاول

فلسفة ما كان فيها ليها نتيجة يـا تشافي انك تلعب بالدي قلب دفاع شمال وكوندي اداء الموسم الفات بيحميهو من العنقريب

كورة مستحقة لي جيرونا واتمنى والله انو ما بنتسنى اكتر من كدا وليفا على العنقريب ضيع التعادل جيرونا جاب الرابع

شوط اول بدايتو اكتر من ممتازة وحتى ردة الفعل بعد القون الفريق كان ممتاز 25 دقيقة وبعد داك جيرونا استغلو نقطة عدم الارتكاز وفريقهم ممتاز جدايُحترم وليفا الليلة قبل بكرة في العنقريب

مباراة المسؤول عنها تين هاغ تكتيك غير مفهوم ودي الفرصة الكم لي مارسيـال؟؟ هويلاند صحيح ما بيسجل لكن الفريق معاو شكلو احسن ودا ما دفاعا عنو لكن محتاجين هويلاند حاليـا الفريق بيو احسن

مباراتين فقط لخصت موسم اليونايتد كلو مباراة في السماء ومباراة تحس انو النادي مافيو اي حاجة ماشة لي قدام ننسى الموسم دا ونعرف انو لازم نستقر في تين هاغ ومع ادارة جديدة وخطط لي قدام

احسن 70 دقيقة لينا الموسم دا وربك ستر من خطا اونانا والفريق لازم يتحسن في انهاء الفرص وليندلوف تاني ما يدقها

من بين الشوطين في كورة يونايتد مرة اخرى تين هاغ بيقول انا ما المشكلة شوط قليلو 3-4 لليونايتد وربنا يستر الشوط التاني

ليفا لازم يخش العنقريب بي اي طريقة كانت وانا شايف كورة جيرونا الجاية لو فزنا حيبقى الاستفاقة الحقيقية للتيم دا وربنا يغطي على بيدري ويكفينا شر الاصابات

حل اليونايتد الوحيد حاليـا بناء خطة على المدى البعيد وخفض التوقعات ونشوف الادارة الجديدة وانا ضد اقالة تين هاغ يبقى عندنا شوية استقرار

كالعادة تشافي بي عناصرو الكاملة صعب وممتاز ولولا التفنن في تضييع الفرص كنا حنشوف سكور لي برشلونة لكن كالعادة جماهيرنا بتعاين للنص الفاضي من الكباية