Awouda

فيما يخص بلنتي الفاريز، لو بتتزكرو السنه الفاتت في الكلايسكو الكوره حقت يامال الطلعا الحارس من جوه القون، لمن الفار خشا لانو الدوري الاسباني مافيهو تكنولوجي خط المرمي قالو كل الكميرات بي كل الزوايا ما clear and obvious فكسرو الحنك و ما حسبو القون حسي ياتو فيديو في البلنتي دا clear and obvious !!!

في تشلسي عندنا كارثة أسمو سانشيز العبادي دا من م حلق صلع مستواه بقي اكعب من الأول كل ألاعيب من م يحلقو مستواهم بتصلح إلا العبادي دا زبالة 🚨🚨

ود عصام الضكران

يا حسن اركب معاي قطر فيران توريس قبل يفوتك

KALD HMD

الليفر من سيئ لي اسوء ،، بس للأسف مافي منافس في الدوري يستفيد من انهيارهم

KALD HMD

حزين على اتلتيكو مدريد خسر مرتين في اسبوع

Mostafa Mohammed

حسن رافينهاا حصل 50 مساهمة الموسم دة رأيك شنو ؟

Mohammed

كاما استعاد جزء من مستواه و في تقارير بتقول انو علاقات فيني في غرفة الملابس بقت متوترة و ماف زول بدعمه غير كارلو مصطفى اذا كنت رئيس النادي و جاك عرض الصيف دا بي 150 مليون مثلا هل ح تبيعه؟

Mohammed

اسبوع ورا اسبوع نفس الاداء السيئ في رحلتي عشان القى حاجة اتابعها قعدت احضر فورميلا ون و البتاعة دي رياضة شديدة والله انصح بها و بشدة

Feras Riddington

عارف الدنيا رمضان و كثرت في الخارجيات لكن دي قوية عديل أبدى فينيسيوس إعجابه بعدة صور للاعبة الكرة الطائرة التركية ميراي يلدريم، البالغة من العمر 16 عامًا، من بشيكتاش. بعد ذلك، انهالت التعليقات من المستخدمين الأتراك قائلين: "يا أحمق، عمرها 16 عامًا فقط. هل جننت بعد أيام قليلة، أزال البرازيلي الاعجاب

Feras Riddington

خارجية سمحة أمس كنت بحضر لي أرسنال إكتشفت أن ميكيل مورينو بيشبه مصطفى لدرجة بعيدة 👀🔥+ ليفربول بدأ رسميا المحادثات مع وكيل أعمال إيزاك و نونيز برضوا إتأكد أنه الموسم الجاي برى النادي عقبال المرحوم جوتا + كييزا مفروض يلعب مع فريق متوسط زي برايتون أرسنال أستون فيلا هو و إيليوت لان سلوت قتلهم بي الدكة

Feras Riddington

أنا ما زعلان من خسارة الكاس ممكن شوية عشان الابطال لكن زعلان عشان تجي في المؤتمر الصحفي تقول لكنهم خسروا قبل كدا 3/0 من أتلانتا و رمى نفسه بعيد من الخسارة كأنه مدرب منتظر نهاية عقده و خلينا نتذكر كيف كلوب كان بيتحمل الخسارة كلها بدون ما يرمي زول تحت الباص ما ننسى الفريق دا بدون صفقات لكن برضوا شينة

Ibrahim culer

اينيغو مارتينيز ما اخد جائزه رجل المباراه لكن اخد جائزه ارجل رجل فالمباراه ما ناخد من حققك شعره غير الاسيست من العدم استخلص كتيييير الليله تشاابو ولد الباسك 👏🏾

ايمن،

هل فوز ليفربول الاكيد بالدوري يعود لقوة الفريق ام لضعف التنافس وتراجع مستوى السيتي وارسنال؟ انا بشوف انو لتراجع المتنافسين وبقول انو تيم ارسنال الاحتل وصافه السيتي الموسم الفات اقوى من ليفربول الحالي..

Ibrahim culer

على قدر ما ليفا جايب لي الضغط وبضيع كتير لكن هو السبب فالريمونتادا بهدف سريع بعد التاني ودهاء في هدف توريس لقطه دفعه للمدافع 👏🏾

Ibrahim culer

انا الطلعت منو من مباراه برشلونه وريال مدريد ضد اتليتكو انو ملعب الواندا بكشحو فيو مويه وصابون قبل المباراه ما ممكن الجليط دا كلو 😂 وتاني حاجه انو بيدري قادر على انه يقدم مباراه سيئه !

Mostafa mohammed

سؤال للنقاش هل من الممكن إنو عثمان ديمبلي لو فاز بدوري الابطال الموسم ده والدوري هل وتاني هل ممكن يفوز بكرة الذهبية وده السناريو الأنا خايف منو 🙂

ابراهيم ديغو

بعيدآٓ عن لقطة هدف الأمين غالاغير قدم مدرسة في خط الوسط العبادي حقو مهدور مع سيميوني الجبان

محمد المهدي

مباراة قمة العشوائية اتليتكو يجيب اقوان تحولات و برشلونة يجيبوها رأسيات

مصطفى الفاتح جغْمَه

والله ياخ،احمد كلامو صاح ياخ ،فران قاعد يطبخ

محمد عبدالمحمود

العفن الكروي وانشيلوتي عشق لا ينتهي .. لا ضغط .. لا دفاع .. لا هجوم .. هاكم الكورة يا عيال واعملو العليكم ، فيني وبلينجهام اداء مستفز جداً جداً نحن كا مشجعين لريال مدريد دمنا اتحرق لمتين نحن نقعد ونعاين الفرق بتتطور وبتطلع لعيبة وكورة ممتعة وحلوة ونحن مع اب جضوم ؟ كرهتها بسببو والله

Manchester is blue

طبعا أنا الفريق الوحيد السنة دا ماعندي حارس اي حارس يدنوا مقطعات الناس تشوف في كورتوا ورايا واوبلك واي حارس تاني أنا الحمد عندي الزقت ايدريسون والعبيط اورتغا حسبنا الله ونعم الوكيل

Manchester is blue

الحمدلله اسبوعين بدون وجع في البطن وقرف الواحد يرتاح من فريق النسوان دا لا شخصية لا روح ولا شي وتاني مافي زول يقارن اي زول في الدوري مع الزفت الشغال كارديو فودين موسم للنسيان بس الواحد يحلم يواصل الابطال السنة الجاية الواحد بدا يجرب إحساس مشجعين برشلونة من بعد الكرونا لحتي ما جاء فلسك

الصادق المدريدي

ليفربول شال الدوري الموسم دا عشان المنافسين كعبين والدوري واقع، ديربي لندن، ديربي أمدرمان كان في اثاره اكتر من كدا، قون واحد وتشيسلي م صنع ولا فرصه كوره ممله، فريقين ميتين موت احمر، وارسنال بغلب ب الكرات الثابته وتفاصيل صغيره، بس ي احمد معانا دا م بشتغل ولا في الابطال ب كورتك دي انا بغلب ٨ 🤣😂😂

Kid west

اعلن رسمية عودة نادي ارسنال لي الكورات الثابتة، ويل لي مدريد من شراً قد اقترب we will be there

Khalid Mohammed

الانفراد اللي الدقيقة 67 لاوديغارد وقدامو مدافع واحد بس لكن حاول يرجع. لوراء بلخص ليك سوء المستوي الوصل ليهو من رجع من الإصابة ولا مبارة واحدة كويسة عملها حتي كورة ايندهوفن هو الشوط الاول كان الاسؤ في الملعب لكن بعيد عن الكورة السئله ده فا تبمبر الموسم ده مقدم مستويات وده كلو وهو راجع من صليبي

StarBoy

بصورة جادة، ادعو لتكوين مجموعة لتفريغ الطاقة السلبية (الشتم والسب والمغص) الناتج من مشاهدة اوديغارد. عندي قريب 3 مواسم بطني طامة منه. ما بيقدم اي شي بالعكس بيخصم علي الفريق كتير(عندي لستة طويلة). فيمكن فتح قروب زي دا او احمد الفاضل يفشني في كابتن الغفلة دا.

الصادق المدريدي

برشلونه حزينين بعد نزولو من البص عشان احد افراد الطاقم الفني توفي. القرار: الليغا اجلت المباراة المبرمجة لاجل غير مسمى ريال مدريد لعب 210 دقيقه مباراتان ونصف في يومين ونصف بس ويواجهو خطر الانهيار البدني والاصابات. القرار: لايمكن اعادة برمجة مباريات الليغا او تأخيرها

Drizzy

ياخوان أنا عندي 18 سنه لما كان عندي 16 سنه كان هدفي أتجوز وانا عندي 22 لكن بعد ما وصلت ال18 قناعاتي في الحياه بدت تتغير بقيت أشوف الزواج علي أنه مسئولية مبالغه نوعا ما وتقيد حريه لي في ما بعد و الواحد لما يكفت نفسه بدري بدري دا غلط شاوت اوت انزو فيرنانديز المهم بما أنكم عجايز هل الكلام دا واقعي

محمد المهدي

في دي ريسبكت لرافينيا حايم خصوصاً من حسن لكن احسن لأنك كل مرة تشكر في لاعب بيتبلا

Drizzy

جربتو تعملو حلقه تناقشو فيها مواضيع جانبيه بي خلاف الكوره لي انه البودكاست عنده القابليه انه يتفرع اكتر بي كتير عن المحدوديه بتاعت محتوي الكوره + هل احنا الي بنختار الكتاب ولا الكتاب الي بيختارنا

Drizzy

يا خوان سوال ماده الكانبيس ( الحشيش ) في دول عالم الغرب بيتم استخدامها عادي وبيتم التعامل معاها علي انها شيئ طبيعي وطبي واكتر من مره في مشاهير وشخصيات عامه زي إيلون ماسك مايك تايسون جو روقان وبيتم استخدامها عادي السوال هنا

Mahmoud

طبعا احمد ما صدق فيني ضيع بلنتي عشان ينشر اجندتوا، فيني قدم مباراة سيئة لكن دي اول مرة فيني ما يساهم في مباراة خروج مغلوب من 4 سنين. Now they wanna act like i do no good Funny 'cause I really did more than I should

AWAB

انا سمعت الحلقة دي الليلة الجمعة بعد كور الابطال اتلعبت مصطفى دا اكتر واحد فاهم هو بقول في شنو وعندو نظرة قال الريال واتلتكو حتوصل اشواط اضافية و بلنتيات والريال حيكسب وقال باريس حيعمل حاجة ف الانفيلد وفعلا دا الحصل تحية ليك يا مدريدي يا واعي 👏

الصادق المدريدي

اسنسيو لو بتدافع عن شرفك م بتدافع بالرجوله دي، بقينا عندنا راموس، انا منبهر ب العبادي دا، دا كان احتياطي دا دكه حسبي الله ونعم الوكيل فيك ي كارلو, وكمان شالو للمنتخب، اتخيل معاي دفاعهم كوبارسي اسنسيو دا الدعامه م بمرور منهم 😂🤣

الصادق المدريدي

انا داير انضم ل مشجعين فالنسيا وأتليتكو، نفسي اسافر اسبانيا وبشيل معاي طن موز اجدعو في العبادي دا، ضربتك كورتها وصلت حواري البرازيل، بيليه نفسه يطلع من القبر يسب ليك ويرجع، ياخي امشي الهلال ولا الاهلي اختانا،و لازم اصفر في كل مباراه، وفي التدريب زاتو يكون بدوك اصفر

Papa Yaga

و برضو شايف الناس بتقول تشواميني كويس،يا جماعة الزول بس بلعب السهلة و خلاص كامافينغا عشان بخاطر و بغطي المساحات بتشاف كعب و متهور بس برضو افضل من تشواميني،و فيني بصراحة كان اسوء لاعب و خارج أجواء الماتش مفروش يطلع بعد ركلة الجزاء طوالي بس المدرب جبااااان

Papa Yaga

يا جماعة ميندي دا شنو و بيعمل شنو !!!!؟ياخ من مباراة سيتي انا قلت تاني ما بحضر فيها ميندي دياز افضل لاعب في الذهاب ليه ما بدأ المباراة و مودريتش أساسي ضد فريق بدني غايتو أنشيلوتي دا لو ما اتخارج

محمد المهدي

برشلونة دا فريق محترم جماهير الخصوم قبال جماهيرو. الناس عملت هيت واتش شوط واحد و اتخارجوا لكن ريال مدريد يجرنا هيت واتش ساعتين و فوق دا بلنتي يتلغي بالدس. المهم مباراتهم الجاية حادعم الغريم على حساب نادي المقاولون الانجليز كرها في أحمد

Mostafa Mohammed

سؤال لحسن رأيك شنو في توليفة كاسدو _ دي يونغ _ بيدري في الوسط م شايف إنو بتدي توازن اكتر ؟؟

كاره تشاوميني

قبل كورة الديربي الفي الدوري نادي اتليتكو كان بدينا دروس في المثالية وانو لازم نحترم الحكام وقراراتهم وانو بيضامنو معاهم ومع عائلاتهم ، اها اسي بقى ليهم حار وبقو ينتقدو في التحكيم مع انو لو جينا للحق حتى في الكورة دي التحكيم وقف معاهم اكتر مره وعدا ليهم كم حاجة

Mohamed Ali

شايف مصطفى بدا يعرق ويبلع ريقو من اسي وبدا يكتر الدعاء في التراويح عشان خايف من ارسنال وشايف سيناريو آيندهوفن بتكتب قدامو والوعد في الامارات 🫡

مصطفى الفاتح جغْمَه

تعرف مشجعين برشلونة حيشجعو منو في مباراة الريال و ارسنال،يا احمد جاياك ايام زي ايام مصطفى و التعرصة بعد ال4 و ال5 ،اسالو منها

مصطفى الفاتح جغْمَه

في نهائ champions leage مجنون يطبخ على نار هادئة،ترقبو!

Ahmed osman

غير اسنسيو وفالفيردي ماف زول بستاهل التأهل وبيلجهام أداء قمامي كان ناقصو بس يضيع ضربة الجزاء

مصطفى الفاتح جغْمَه

خارجية:يا احمد موسيالا بسمع لترافيس سكوت،هل ممكن دا يكون سر الطبخ بتلعو؟

Modather Omar

لو عايز توري زول يعني شنو سرقه حظ شعوذه حضرو كوره يكون الريال طرف فيها،عرفنا كل انواع السرقه لكن سرقه ف بلنتيات د جديده النادي د فاسد لابعد درجه،و اي زول بقلل من العملو اتليتكو ع مدار الكورتين و انو هم احسن كان محللين بينسبورت الساي ديل او ميديا او حتى هنا ف دافوري يشيلو معاو مبسوط وفخور شديد بفريقي

X100

بالنسبة لي كورة الريال و جواريهمakaاتلتكو مدريد ده اصلاً البحصل لمن توكل بي مهامك لي اندية تانية وتثق فيها + يا احمد خلو ساكا في سرير المستشفى ما تجرجرو الولد ساي تعملو ليهو ترومة زيادة على ترومة اليورو لانو العبادة ديل خلاص دورو فريقك التعبان ده بختو سفة خليهم مصيرهم يجو الكامب نو.

Mortada junior

احمد we will be there 🥶

Osman

بعد الذهاب والإياب أنا كبرشلوني أتمنى أشوف ارنولد في ريال مدريد ، حتى لو كان لاعب عالمي و بصنع فرصة من مافي لكن م معقولة اي جناح كويس يطلعك كأنو بتلعب دافوري في المدرسة ، مستوى مخجل صراحة

الواحد لما يشوف نونو ميندش وحكيمي ويتذكر انه عندي ميندي وفاسكيز بتحسر علي حياتو😂😂

فيتنيها هو وديزرا دوي اكلو وسط ليفربول اكل ما خلوهم يتنفسوا