فيسكا احمد

بداية اسبوع حافل في برشلونة اسبوع يحدد اتجاه الفريق هذا الموسم لو اتجغمنا في الكلاسيكو عادي بس اهم شي البايرن مايفوز علينا

منذر خالد البرشلوني

برشلونة امس فازو 5 و بكرا عندنا امتحان قدام بايرن الله يستر و قدامنا كلاسيكو لكن دائما واثق من مدربي هانزي فليك الله يقدرنا و يسترنا .

Ahmed in8sta

داير اعرف لشنو حسن سابي لMarc Casadó و hard luck لينا يا احمد

Modather Omar

يخوانا فعلو الهاشتاق #لا_لهبوط_فالنسيا الجماعة ديل بقو طيش الدوري عديل و الغلبهم القبل الطيش في السنين الفاتت برضو كانو كعبين لكن حسه وصلو مراحل بعيده و بيتر ليم د ح يغتالو بعد د

Alsharawy KVD

إذا الفريق لعب بنفس الخطة دي أمام البايرن والريال بما انو الفريقين بحبو المساحات والمرتدات وعندهم لاعبين سريعين جداً مقارنة بالمدافعين حقنا لم نستطيع الصمود هل تتفق معاي يا حسن ؟؟

Alsharawy KVD

الضغط العالي و خط الدفاع المتقدم ومصيدة التسلل بما انو شفنا أهداف كتيرة تم إلغاءه بسبب التسلل بالأخص في المباريات الثلاثة السابقة وتقريباً استقبلنا هدفين من كرات اتلعب خلف الدفاع

إياد

الواحد بقي يجي كل أسبوع يسمع تشيلسي بتردم و يتخارج ما عارف الي بقولو الفريق كويس ديل بتابعو من المايكرويف ولا شنو الفريق ما قادر يطلع بل كورة حتى الهدف ال جا كان ب هفوة من دفاعهم

Motta

دايرين بودكاست كارتوني نسباً لدافوري ههههه

Motta

اسبوع غير مقنع لجميع الاندية الكبار # رجعو التوقف الدولي

Papa Yaga

أنشيلوتي هل دي الروك اند رول العاوز تلعبها و قادينا بيها من بداية السيزون!!!!!!؟

Zero the forth

Football heritage moment زي ما انيستا ادا الكبتنية لي تشافي بيدري ادا الكبتنية لي غافي في الصورة الصغيرة عمل كدا عشان بيدري هو قلب الفريق لكن في الصورة الكبيرة عشان ما يصغر لحظتو

الصادق المدريدي

الله ينعل اللامسيا لا يلعن دي مدرسه،سوال ل كارلو بعد 5 أمس دي انت محضر حاجه ولا ح نقضيها فرديات وشوت من بره ،انت لازم تحضر حاجه دا في ليفا رجع ورافينيا بقا الظاهره ،فاسكيز 🤬😷😥

محمد عامر

خلينا من مباراة البايرن والريال والخمسة والأداء الممتاز وعودة جافي وكلو ركز بس مع مارك كاسادو ياخ دة زي عسل النحل الأصلي دة انتاج لاماسيا اصلي

الصافي

فوز مهم على اشبيلية قبل مباراة بايرن و لكن الاداء كان ممتاز من الفريق فرديا و جماعيا و اجمل حدث في المباراة كان عودة قلب المرفعين غافي 💙❤️

زرياب ميسي

بيدري الان في نظري اصبح متكامل لانه سابقا لم يكن انتاجياً كما هو الآن يسدد من الخارج المنطقه و يعطي الكثير من الاسيستات و ايضا اصبح ذو وعي دفاعي قوي و يفتك الكره الافضل في العالم

زرياب ميسي

رأيكم في معضله انو فليك بيلعب بدفاع متقدم و مصيده تسلل قدام الريال البيملك افضل لاعيبه runner و بستايل مضاد للاسلوب ده ؟

عبد العال ارباب

ينادوننا ويقولون لنا هذه اشبيلية ونحن نقول لهم اصمتو وخذو الخماسية في ناس المفروض تأمن بعد ده فليك ده كاهن من الكهنا الكبار واين البايرن واين فتيات القوة من مدريد والجدي

Ahmed Muaz 619

وفي الليلة الظلماء يفتقد البدر 🌕.... هجوم الفريق عبارة عن ساكا وبس ولا خشبات زاتو اخير الخشب

أحمد سيف

عودة جافي دفعه معنوية كبيرة وكوبارسي عال العال

أحمد سيف

ي حسن شفت كاسادو كيف لسه م مقتنع بيهو الولد دا مكسب كبير ولا اراء خط الوسط من غيرو أنا مستثمر فيهو

العفص الفيل

لو كان في يدي مسدس فيه رصاصة واحدة و قدامي حميدتي و مادويكي ح اقتل مادويكي عبادي اهبل بيفتش على اللقطة و ماريسكا مستحيل ما يلعبو أساسي ومن رأيكم هل لقطة تويسن أحمر ولا؟

Mustafa Okasha

ب فوز الليفر على تشلسي (بالفرديات وليس التكتيك) ممكن من خلال الانتصار دا نرفع من توقعات اسلوت او نقلل من توقعات ماريسكا ول فوز مخادع للتقيم بالنسبة للمدربين؟

Ahmed Farrag

ليفربول مع ارني سلوت بقى فريق برغماتي جدا اي كورة بي شكل و طريقه لعب حسب المنافس. متحمس لكوره ارسنال، هل في رايكم لو غلب ارسنال حيعتبر منافس على اللقب ولا لسه

Feras Riddington

ليفربول يستمر في القمة بعد تألق جونز و صلاح رغم الحكم اللي مافضل إلا يلبس أزرق و يشوت مع لاعيبة شيلسي و أليستر ح ياخذ راحة بسبب تراكم الكروت و شكلو الجو كان حار لكول في الانفيلد

عاصم عبدالله حسن محمد

الستي والله مباراه بدون تعليق نفس الاسلوب نفس اللعيبه نفس المشاكل الدفاعيه. المشكله انو عندك لعيبه في دكه تستحق دقائق اكتر بدل سلفا و غوندوغان بس بيب يطلق مرتو ولا يقعد سلفا دكه

Ahmed Elwalid

هالاند بعد ما قال لارتيتا stay humble تاني هالاند ما جاء جمب القون زاتو شكلوا ارتيتا عمل ل هالاند كجر من شيخ الدمازين

Dooly

وين الكان عندهم اسهم في باو فيكتور؟؟ اللاعب كان كذبه كبيرة في البري سيزون

MazenCFC

السلام عليكم كيف حالكم ان شاء الله كويسين طولت من البودكاست فترة طويلة شديد بسبب ظروف وراجع بقوة تشيلسي لعب مباراة حلوة لكن كان في اخطاء من ماريسكا كان مفترض س ما تتكرر

Ibrahim culer

مباراه مليئه باللحظات الجميله تسليم لامين الجائزه من رافينيا اداء جميل من الكل اهداف بكل الطرق ومسك الختام بدخول غافي ولقطه استلام الكبتنيه يوم سعيد جدا 👏🏾

Osman Khairi

بعد ما لقيت دوكو قدم مباراة جامدة وعمل اسيست والظهير القدامو كان سيميدو قلت العبادي د كسر عقدة عمر المدافع التحت ال30 ..لمن اتفاجئ انو سيميدو عمره 30 وداخل على ال31 😭😭😭

abonaji

يا شباب لازم تتابعو كوبارسي الولد رجلو نضيفة شديد و بيلعب بثقة عالية و كاريزما برضو ما ننسى توري الرائع بيثبت نفسه في كل مشاركة فليك حيكون في حيرة يلعب منو ويدكك منو

abonaji

مباراة واي مباراة بين الليفر وتشيلسي مباراة اسوأ ما فيها الحكم تشيلسي وقف الند للند وكان يستحق الفوز في بعض الدقائق الليفر ينفرد بالصدارة قبل القمة امام الارسنال والسيتي يترقب

abonaji

ريال مدريد بأداء لم يكن الأفضل ينتصر بفرديات لاعبيه في مباراة كانت معقدة في بعض اجزاءها مع ظهور خط الدفاع بصورة سيئة جدا ومساحات شاسعة ولكن مهاجمين فيغو لم يستغلوها وكورتوا خارق

abonaji

برشلونة يدخل اسبوع قد يكون حاسم لموسمه بانتصار نتيجة وأداء على الضعيف اشبيلية ليفاندوفسكي يفعل فورمة البالون دور وينتظر الالقاب أداء رائع من الجميع باستثناء بينيا المختبر مره وفشل

Adnan

يجدر الإشارة إلى أنه منذ دوري 92، قد حصل ايفرتون على عدد 108 كرت احمر، ويأبى الحكام الا ان يجعلو الوصيف ارسنال بعدد 107 كرت احمر، هذه الاحصائية حسب الموقع الرسمي للبريمر ليغ

Yassin Noureldien

برشلونة يفوز بنتيجة كبيرة كالمتوقع, ان شاء الله يسمترو علي المستوي دا قدام ميونخ و مدريد, و الخط العالي دا م عاجبني يا حسن ولازم فليك يلقي ليهو حل

رامز عاصم

لالا انا مبسوط عديل برشلونه والجيش وميسي فرحوني عديل المصابين رجعو ومشتاقين ي غافي فوز كاسح لابد منه والروح المعنويه فوق وباوفيكتور راااجل شديد المهم إن شاء نستمر كده

Mohammed

احمد انا عندي اقتراح لي موضوع التعليقات دا بدل تختار الناس حسب النادي الخاتيو اعمل زي أقسام في التعليقات اي قسم خاص بي فريق و الناس تخش في القسم حق الفريق الدايرة تعلق عنو

Mohammed

البضحك اكتر شنو انو نلعب بي خط دفاع من خمسة لاعبين كلهم مافيهم زول قاعد يعمل شغلو ولا انشيلوتي يقول ما شرحت لي اللاعبين يعملو شنو في الشوط التاني

الصادق المدريدي

زول يفتش علي سانشو م لاقي طيب بيدرو نيتو لاقاك ي احمد طيب نكونكو لاقاكم ولا بتلاقيهم ،ارنلود عمل مباره عشره من عشره ،عمري م شفت العبادي دا بعرف يدافع ،مكانك مش هنا ياود مكانك مدريد

مصطفى الفاتح جغْمَه

رايك شنو يا حسن في انيغو مارتينز؟الزول دا انا ظالمو من بداية الموسم و طلع مقدم اداءات افضل من كوبارسي نفسو دفاعيا،و انسو فاتيis cooming soon

Montasir

كالعادة ارسنال والتحكيم ، كرت احمر مع انو المسافة بعيدة ولا حتى المهاجم استحوذ على الكورة. تبديل استيرلنغ قرار جبان من ارتيتا كان اللاعب الوحيد البخترق ،ومارتنلي دا يتشطب

Osman Khairi

اداء جيد من تشيلسي في خسارة غير مستحقة لولا الدفاع والتحكيم في بلنتي سانشو وبلنتي جونس ... وداير ادي shout out لي كايسيدو احسن واحد في وسطنا الموسم دةولافيا مفروض يبدا بدل انزو دة

عبد الرحمن زكريا على دينار

حقيقة جدون سانشو و كيفية إنضمامه الاعضاء الشرفيين في العنقريب شكلها فتره الخطوبة إنتهت

الـنَّن

دوكو د تحديداً مفروض يقعد كنب لمن لباسو يتشرط.. وخلي بالكم جفارديول رسمياً بقى عندو "الشوتة المعينة" 😉

الـنَّن

أداء باهت من هالاند للمره الثالثه على التوالي أداء باهت من الهجوم عموماً بما فيهم الفيل فودن " player of the season " المفروض! وستونز ينقذنا للمره التانيه من اداء تعبان

العريس

تحية طيبة يا اعزاء انا شايف الفرق بقت تعمل نظرية Hack a shaq من الNBA مع السيتي، كرفس هالاند في نص ثلاثة او اربعة رباطة، ومباشرة السيتي بيصبح ناقص لاعب. لاعب بدون اي تنوعية ولاحلول